hochdeutsch

Wokeen sünd wi?

plattdeutsch

In den Theotervereen Rellingen vun 1929 e.V. sünd so üm un bi 100 Frunslüüd, Mannslüüd, junge Lüüd un Kinner. Wi sünd blots Amateure, man wi meent, Theoter speelen makt veel Spaaß. In Fröhjahr un Harvst goht wi in'n Kreis Pinnbarg mit twee nedderdüütsche Theoterstücke op Tournee – dat sünd Komödien, Krimis un Musicals.


Wintermärchen 2015: Aladin und die Wunderlampe

In de Tied vör Wiehnachten speelt wi för de Kinner een Märken oder een Kinnertheoterstück op hochdüütsch.

Nedderdüütsch is een oole Spraak, man noch bannig lebennig, un wi hebbt uns vörnommen, dat dat ok so blieven schall.
De Bundesrepublik maakt siet 1998 mit bi de "Europäische Charta vun de Regional- un Minnerheitenspraken". Un nu schall nedderdüütsch wedder in Kinnergoarn un in de School bibröcht warrn, op'n Amt un bi de Behöörd' schall dat bruukt warrn, un de Nahrichtenbläder, Funk un Fernsehen schüllt wat op nedderdüütsch bringen.

Fröhjohr 2015: Poppe stiggt ut

Wi freut uns bannig öber
j e d e e n, de bi uns mitmaken will. Wi brukt Speelers, Technikers, Lüüd, de sick de Bühn' utdenkt und timmert, de de Kostüme neiht, de Speelers schminkt, de Frisuren makt usw. Hest Du nu Lust kreegen, bi uns mal rintokieken? Denn lat wat vun Di hörn, öber e-Mail, Telefon, Fax – as Du wullt.

Blangenbi: Ji mööt nedderdüütsch nich spreken können, dat lehrt sick allns bi de Theoterproven!

 

Wi makt Theoter – plattdüütsch und hochdüütsch – mit veel Spaaß,
veel Insatz un jümmers ganz un gor vun Harten!


Harvst 2015: Ladykillers